( المطلوب إثباته ) رجّعتي لقلبي دقاتُه وإتحرك من بعد ثباتُه على إيدك داق طعم الفرحة ومعاكي عاش تاني حياتُه نوّرتي طريقي قدّامي حققت في قُربك أحلامي بوجودك حبّيت الدنيا والفرحة عمّت أيامي من بعد سنين عِشت بعاني والوحدة تملّي ملزماني روحي رِجعت ليا من تاني و ده يعني المطلوب إثباتُه رجّعتي لقلبي دقاتُه أنا قبلِك كنت صحيح ميّت مش عارف للفرحة مكان بصحى أكيد في الوحدة وأبيّت ليل ونهار أنا والأحزان جيتي إنت ومن غير مواعيد أصدرتي قرار التجديد للقلب اللي خلاص كان أوشك ع الموت وع الفُرقة أكيد أنا فعلاً في وجودك دايماً ببقى سعيد يعني وفرحان وكلامك دايماً بيطّمن و ف قُربك بنسى الحرمان ومسحتي من العين دمعتها ورجّعتي للروح فرحتها روحي نِسيت وياكي الغربة وسنين الوحدة اللي عاشتها بقلمي عبدالحميد وهبه