بقلم الشاعر/ السيد علي القن
((( يالله نخلي مصر جنه )))
كفايه
سكوت عن الفاسدين
حرام
ندفن سوا روسنا كده
في الطين
وحوالينا الفساد
شمال ويمين
لأمتي ياناس ها نفضل
كده خايفين
كفايه نغمي ف عنينا
سنين وسنين
وقدامنا كتير ملاين
عايشين ومش لاقين
وناس غيرنا بتتحكم
في مصايرنا
وناس الخوف جواها
بقي له سنين
وليه راضين كده و ساكتين
مادام رافضين
حياة اولادنا دي امانه
ف ايدينا
وليه ع المر والخذلان
كده راضين
تعالوا نقول سوا لا
للفاسدين
تعالوا نقول سوا لأ
للفاشلين
لتجار باعونا سنين
بأسم الدين
تعالوا نوقف الباطل
ونضرب بأيديناع الخاينين
تعالوا نحاسب الخارجين
علي اعرافنا وع القوانين
تعالوا نحاسب الفاشلين
علي الراسبين
تعالوا نحاسب التاجر
في أمالنا بأسم الدين
تعالوا نرسم احلامنا
ونبني بكره و بلدنا
تعالوا نبني مدارسنا
ونرفع سقف امالنا
نرجع كل مبادئنا واخلاقنا
تعالوا نقضي ع الجاحدين
تعالوا نقضي ع الحاقدين
و ع الكارهين لنجاحنا
ونبني قلوب فيها طيبه
ونزرع ارضنا محبه
ونحصد بكره بموده
في رمل الوادي وف سينا
تعالوا نبني مراسينا
سفن في البحر و المينا
ونبني بكره لينا لاولادنا
ونزرع. كل صحارينا
نجيب الميه م الحبشه
ونزرعها الخير يكفينا
تعالوا نخلي مصر دي جنه
ونزرع ارضها حنه
ونحصد قمحنا غله
ف مصر ربنا تجلي
و فيها كنوز تكفينا
تعالوا الحب يجمعنا
يوحدنا يدفيناويسعدنا
ده رب الكون وهب لينا
زعيم وطني مننا فينا
جايب بكره معاه لينا
تعالوا نمد له أيدينا
نوحد كل اراءنا وخطواينا
تعالوا نشيل مصر علي راسنا
ونرسمها علي جبينا
و نرسمها علم لينا
تعالوا نضحي علشانها ونحميها
كلمات الشاعر/السيد علي القن
تعليقات
إرسال تعليق