بقلم الشاعر / منتصر عبد رب النبي
ابو الوفا السوهاجي
* * * أصل الدنيا * * *
ماهو أصل الدنيا
ناس ونااس ناس وناس
ناس كتير مالها اماره
في ضهر الناس بتدارا
ساعة الجد تجيب ورا
الشمس ماليها ضرا
ماهو أصل الدنيا
ناس ونااس ناس وناس
كلام بجد مش منظره
في ناس كتير متمنظره
على حس غيرها متفشخره
لأصلها ليه متنكره
ماهو أصل الدنيا
ناس ونااس ناس وناس
وناس تقول احنا الأساس
والأب شارب مر الكاس
علامة الشقا عالإيد والراس
الزير ولاميه ولاكاس
ماهو أصل الدنيا
ناس ونااس ناس وناس
وناس تتلزق في العمد
في كلامها تميل وتتعومد
والعمده لا اتكبر ولا عاند
معروف وزي العلم
ماهو أصل الدنيا
ناس ونااس ناس وناس
وناس تانيه ملهاش لازمه
ما تفيدك بأيها لازمه
في وقت الشده والأزمه
تجري وتمشي تستخبه
ماهو أصل الدنيا
ناس ونااس ناس وناس
ياريت اللي مايفهمش ميعلقش
* * * بقلمي
منتصر عبد رب النبي * * *
تعليقات
إرسال تعليق