بقلم الشاعر : محمد ابو الحسن
الغربة مرة
بقلم:محمدأبوالحسن
***********
إللي داق الغربة
هو إللي يعرف عذابها
هو اللي جرب دنيا تانية
غير الدنيا اللي غصبٍ
عنه سابها
هو اللي انكوى بنارها
وكان ليله فيهاأصعب
من نهارها
هواللي فارق أهله
وحبايبه
والأرض اللي هو نبتة
منها
واللى معجون من ترابها
وبعرقه بدرها
والحبيبة اللي كان
خطبها
وهي لسه سنيورة في
شبابها
وياعالم لما يرجع
هيلاقيها إتعلقت بحد
غيره
ولالسه شارية بس
شابت
من إنتظاره واللي نابها
واللي ساب أهله وناسه
وأرضه اللي خضرها
بفاسه
واللي باع فيها فرشه
أو نحاسه
ومالحقش يدوق ثمرها
وذكرياته وأمنياته واللي
فاته من حياته
قبل مايسافر دفنها
كل دا وحاجات كتير
قبل مايفارق ركنها
مش عارف هيفارق
ويبعد قد إيه
ولمايرجع هتبقى الدنيا
عامله إيه
واللي هو متغرب عشانه
ياترى فعلا هيلاقيه
والتمن هيبقى إيه
الغربة مرة
والكل بيدفع تمنها
................
الغربة لسه فيها عندي
كلام كتير
واسألوا اللي سافر
وإشتغل عندثري أوأمير
والإهانة اللي شافها
منهم
كأنه عبد أو أجير
وطلعت عُقد النقص
إللي فيهم
عاللي هو أغلى منهم
بس حظهُ إنه فقير
حب ياكلها بالحلال
وان شال على اكتافه
جبال
ومهما كان شغله عسير
بس بيعتز بكرامته
وبرجولته وبشهامته
ليه تهينه أو تقل قيمته
الدنيا لسه بخير
دابني آدم زيه زيك
لازم تحفظ له مكانته
دانت لو فى بلده زرته
هيشيلك على راسه
شيل
ومن السعادة والفرح
ممكن يطير
وينشغل بيك كل وقته
كأنك باشا أو سفير
إلغريب عندك أمانة
بلاش تعامله بالإهانة
وأديله حقه بالأمانة
واوعى تتغر بمالك
أوبجاهك
بكره الدنيا تردهالك
مفيش عليها أبداً كبير
إكرم الإيد اللي جايه
لحد عندك تخدمك
أواللي جاي يعمرلك
فى أرضك
واللي جاي يداويك
ويعلمك
دول أصحاب فضل
عليك
كلهم جايين لعندك
يخدوا بإيديك
مش جايين يشحتوا
ولا يترازلوا عليك
دول ناس سابوا اللي
ليهم
إتقي ربنا فيهم
قبل ماتزول النعمةمنك
وييجي الدور عليك
محمدأبو الحسن
تعليقات
إرسال تعليق