بقلم الشاعر:محمد عبد الحميد السيد

 ،،، عاميه ،،،

،،،،، كبرت يا واد ،،،،،

... كبرت يا واد ورجليك بقت شايلاك؟

.....خلاص مابقتش عارفه أتكلم معاك؟

.... شربت سجاير وبتضرب أختك؟

...  طب وأخرتها معاك؟

..... فاضل ايه تاني تعبتني وياك

... هي الرجوله انك  تردك على أمك؟؟

... نسيت يا واد حضن وحنان أمك؟؟

... نسيت خلاص كل كلام أمك؟؟؟

... نسيت تعبي وشقايا عليك؟؟؟

.... نسيت أول ما شالتك رجليك؟؟

... خلاص بطلت تخاف على زعل أمك؟؟

.... كنت قبل اليوم بقول للناس انا صحيح ربيت 

... كنت بقول هأموت وسايبه مكاني راجل في البيت

..... الرجوله يا ابني  في الطبع وما تنشريش

... الرجوله مش بشرب دخان وحشيش

... الرجوله تكون راجل زيه مفيش

... الرجوله تسمع كلامي وبعينك  وما تبصليش

... كبرت يا واد وبتشرب سجاير وحشيش؟؟

... هي الرجوله بقت في شرب الحشيش

....هي الرجولة تنزل في اختك ضرب  وتلطيش؟؟

.... خاف بقى من ربنا وما تفتريش

...راعي ربنا وبالمعروف بقى وعيش

... حياتك هتضيع منك على مفيش

.... بطل عمايلك وبطل نفخة ريش

.... فين اللي علمتهولك راح  خلاص مفيش

... عمايلك خلت حاجات حلوة تروح ومتجيش

...الصحة لو يوم راحت  منك ما بتجييش

...ارجع لربك  دا غيره مافيش

...خلاص انا هاموت واسيبك تشرب زفت وحشيش

...  هاروح واسيبك وعلى أمك ما تبكيش

....  يا  ابني حافظ على نفسك واختك

.... اوعدني ما تزعلنيش

....اوعدني انك برضا ربنا خلاص هتعيش

... اوعدني انك هتبقى راجل بجد مش نفخة ريش

... بقلمي محمد عبدالحميد السيد 

mohamed Abdelhamid Mohamed