بقلم الشاعر : محمد البحيري
احنا ولاد البطة السودة
احنا الخيشة فعز الموضة
احنا بيوتنا صالة واوضة
احنا فعز تعبنا نواسى
احنا كلام بالليل وناسى
احنا الضحك تغيب بالشهر
احنا عيشتنا فقر و قهر
احنا مرتب نص الشهر
احنا المصيف جوا الترعة
احنا اللقمة ديما دلعة
احنا النومة ف الكوابيس
احنا عظام جوا التجبيس
إحنا الضهر المحنى زيادة
إحنا الطوبة نخدها وسادة
احنا الصعب ف قلب المر
إحنا الهم ماشى يجر
احنا الحظة الحلوة بعيدة
احنا النواة شدة شديدة
احنا السقفة بيد وحيدة
إحنا تعبنا يا دنيا عنيدة
إحنا غلابة يا دنيا ديابة
احنا تعبنا كفاية كأبة
#محمدالبحيري *
تعليقات
إرسال تعليق