بقلم الشاعر:مجدي فاروق كلمات رقيقة
إرادة أنثي ؛؛
مش فارقة معايا أنت مين
المهم أنت الوقت أية
وبكرة هتبقي أية
عايزني أعرفك ممكن أعرفك
ممكن أحبك وافهمك
وممكن يكون بنا حاجات حلوة كتير
تقربني منك ومن السعادة أطير
أرتاح لكلامك لفعلك وخصالك
واتمني لحظه يأسرني وصالك
مش فارقه معايا معاك قد أيه
المهم الرضا والستر ولاأيه
ممكن أعيش معاك زي بقيت الخلق
علي قدي أمد لحافي من غير خنق
أنا أنسانه عادية وسويه
ووالله ماهي فارقة معايا
مش فارقه معايا ألبس أيه
اي لون أي شكل مش ههتم بيه
المهم يبقي حشمة وربي يرضي عليه
دي حاجات ثانويه في حياتنا مش أساسيه
من غير تخلف ولا رجعيه دي حاجات كلها عاديه
مش فارقة معايا أنتماءات
ليبرالي علماني
هندي باكستاني
أهو كلة أتجاهات
مش فارقه معايا علاقاتي
المهم أكبر أهتماماتي
مثقف ولاجاهل اهو الكل بيتجاهل
والسن ميفرقش معايا
عشرة ولا عشرين
لوحتي في الخمسين
مش فارق معايا العتاب
واللوم بعد زعل وغياب
ونقلب في الدفاتر والكلمات
حتي لو خلتني أنسي اللي فات
مش فارقة معايا أي حاجة
مالدنيا حرمتني من كل حاجه
ومبقاش فيها أي حاجه
غير عالم عايشه بسذاجه
مش فارق معايا الآخلاص
ماراح الوفا والوقت خلاص
كل شيء بقي بينداس
البوس عالخد زي المداس
يجرح أنسان من غير أحساس
موش فارقة معايا ...
مجدي فاروق... كلمات رقيقة .
تعليقات
إرسال تعليق