بقلم الشاعر : جمال رمضان
( قلبي للبيع )
روحت أبيع قلبي وقلت مين يشتري
ولما شافوه مكسور حزين الكل جري
انا اللي ضيع قلبي بحنيته
بينظلم ولا مين شاف ولا مين دري
إزاي محدش يشتريه دا كان حنين
كا بيتحمل كتير وما كانش بيبين
عاوز أبيعه عشان يحرم يحب تاني
ويذلني ويهزني بين كل العاشقين
يا أهل الهوي إشتروه مني ببلاش
جرالكم إيه ده لا تقسيط ولا كاش
دنا قلبي طيب بقه متعيب
وكل ده علشان كده قلبي ما يسواش
بصراحة يا قلبي كده صعبان عليا
زعلان عليك ياقلبي دا انت اللي فيا
نرجع سوا أنا وانت انا وانت
ومش هبيعك بالدهب دا إنت اللي ليا
( الشاعر / جمال رمضان )
تعليقات
إرسال تعليق