بقلم الشاعر :مبروك البنا

 *** لأمتي يا شـوق

ـــــــــــــــــــــــــــ

لأمتي ياشوق محيرني ما بين الناس

ومُـر الصبر بيسـابق هـوي الأنفـاس

في دنيا سجـن يا قلبي بدون حُـراس

بآسي الليل مابين طيفُه وخمرالكاس

حصا جمري بدون مدري وَلَعْ تاني

وسهـد الليـل ودمع الشـوق صحـاني

يـا روحي حـرام أنـسي اللي بـكـاني

وحُطِي هـم أحزاني في خمـرالكاس

لأمتي يا شوق محيرني في محبوبي

لا ســائـل فيَّـه و لا بيــرُد مكتــوبي

وهـو حياتي و نـورعيني ومطلـوبي

سقاني العشق في قُـربُـه لآخر كـاس

لأمتي يا شوق بحُسنُه أعيش مفتـون

لأمتي وقـلبي لعنيها عاشـق مجنـون

لأمتي ياأغلي من كُل الحياة والكون

يـطمنـي علي حــالـك كـــلام النـاس

يا نـور البـدر يا مقصَـرْ علينا الليـل

يا آسـرعيـني ولحسنك قلوب بتميـل

في غيابك يزيـد همِّي ونظـره تزيـل

ولا تِحـوِجني بـالضمَّـه لِـمُـرالكـاس

لأمتي قـلبي يـصبُـر وميــن يـطمِنُـه

وكيـف أُخفـي الحُـب ودمعي بيعـلنه

حبـك لروحـي خمـر وقـلبي أدمـنــه

وعمري راح ما بينُـك وبيـن الكاس

ـــــــــــــــــ[مبروك البنا]ـــــــــــــــ