بقلم الشاعرة:ماجدةالبهيدي
غاب عني
=======
يا ربي طمني
ده حبيبي غاب عني
لا قادرة اوصله
ولا حد طمني
الأه بتقتلني
وبعاده دوبني
لا عارفه اعمل ايه
ولا قلبي مستني
عمال بيسألني
ويقولي جاوبيني
وبسرعة خبيني
في قلبه وحطيني
لحسن هموت منك
ده هو شرايني
هو الدوا لعيني
في بعاده خد مني
أشواقي وحنيني
ومسابش غير ذكرى
هي اللي تداويني
كان قلبي متهني
فرحان وبيغني
وهو قريب مني
دلوقتي غاب عني
الله بقى يعني
على بعده صبرني
ومين بعده يحيني
ماتت انا في عيني
لا عنت عارفه نفسي
ولا دارية بسنيني
روح قوله على حالي
يا اللي داري بحالي
ووصله موالي
يمكن يحس بحبي
ويرجع لي من تاني
متعود بقى يا طيري
بالذمة من غيري
قادر تعيش بعدي
وتفرح مع غيري
ما تلاقي زي حناني
ولا حتى تعشق تاني
دانا مفيش مني
من النسخة دي تاني
وبكره هيشهد زماني
2020 /10/8
:
#ماجدة_البهيدي
:
تعليقات
إرسال تعليق