بقلم الشاعرة /راويه حسن

 ومهما ابعد أعود تانى

اعاتب حالى يازماني

واقول ايه بس اللى رمانى

وخدنى اليك وودانى

أنا عمرى ماانسى ايامى

دي هى بس اللى فضلالى

وذكرى عشتها فيكي

وعايشه دايما بخيالى

 َومهما احكى ولا اقول

 لا اقدر اوصف انا حالى

ده  وصفى ليكى انا باقى

ياغنوة حلوة وموالى

يااجمل وصف بعنيه

واجمل كلمه علي لساني

بقولها والكلاَم يحلى

 وتحلي معاها ايامى

و شجرة ويا ضليله

وقمر نجومه بتلالى

 ترابك حنه لايديه

ونيلك يجري بشريانى

شعاع شمسك يدفيني

 وليلك حلم للغالى

ويفنى العمر ويعدى

وتفضلى جنة لاولادى

يااغلى حاجة علي قلبى

عظيمة انتى يابلادي

راوية حسن