بقلم الشاعر 👈 عبدالله عبد الحميد العزالي

 *** إحتجاج ***

** البس قناعك **

-------------------

إلبس قناعك إلبس  ..

إلبس ميهمكش..

الكل يُريد القِناع ...

وتكون كل يوم بِوِش

تضحك فى وِجُوه كٍلحه ..

تعلمك كل يوم الغِش

------------

وجوه فيها العجب

تبتسملك بدون سبب

وتقول وهى ماتقصُدْش

تقول إنت الغالى

وتبيعك حتى بقرش

----------

إلبس الف قناع

وكن ليهم خداع

هيقولوا واد مجدع

وهيبتسمون ليك فى الوش

وفى قفاك إرزع...

-------

نصيحه منى يواد

إوعى تكون صادق

اوعى تكون مجدع

ياريت تكون زيهم

وكل يوم تقلع...

تقلع قناع عرفوه ...

وتلبس غيره جديد..

إبتسم بينهم ياَواد ...

وعمل انك سعيد....

إياك يشوفوا دمعتك ....

إياك يشوفوا نظرتك....

ليعرفوا انهم قتلوك ....

ويظنوا أنَّ دَه مجدع....

------

بتبص ليا ليه

دنا ليك بنصح

وعارفك هتقول إيه..

هتقول إنك مابتعرفش

إنك  تلِبس قناع..

وتكون بميت وش...

------

طيب منهم إتعلم ...

طيب زيهم إتكلم...

ولما تلاقي العجب...

غير تانى الوش...

------------

إسمع ياعمى الكلام

وبلاش نصيحه تغش

إزاى أكون زيهم

وأنا رافض فكرهم

لازم اكون واضح

واقول كلام واضح

عمرى ما فى يوم

ليهم انا ......هغش

-----------------------

.....عبدالله عبدالحميد العزالى.....