بقلم الشاغر ⭐محمد الراوي
يعني إيه إني أحبك حب قبلك
عمر قلبي ما حسهوش
يعني إيه الدمع يبقى جوه عيني
ونفسه يبكي وما أبكهوش
يعني إيه إحساسي يسكن
جوه نبضي وما اوصفوش
وأداري عنك حبي ليكي
ولو سألني حد عنك
أقول له لا ما بحبهوش
واغير ف شكل حزني
وأداري وأفرح
قصاد كل الوشوش
ولو قابلتك مرة صدفة
أقول لقلبي عدي وكإنك
ما قابلتهوش
وأعيش عشانك وانتِ
عايشه لحد غيري
وأشتاق وأكون ف أوقات كتير
محتاج إليكي
يصرخ ضميري
سيبه لحياته ما تبعدوش
يعني إيه إني أحبك
حب قبلك
عمر قلبي ما حسهوش
الراااااوي
تعليقات
إرسال تعليق