بقلم الشاعر⭐ مصطفي الشرقاوي
==== البحر ليه - - بطل يضحك ====
شعر - - - مصطفى الشرقاوى
============================================
البحر ليه بطل يضحك
ومننا قلقان غضبان
البحر - - كان وده
نكون اد القول رجاله
قاعد ياعينى كده لوحده
وتارك الدنيا وف حاله
البحر جاله جنون
ومش مصدق عملتنا
واحنا بنتلحس ف صحون
خزيان ياعينى على خبيتنا
البحر سمكه شبار بلطى
وبساريا مع قرموط النيل
وعمره لحد ما هيوطى
يا شبك مدوب كل الجيل
يا سمك أخضر وصغير
حطم شبك الناس الدون
وإوعى يا كبدى تتحير
واشرب ميه وبلاش ينسون
يا شبارنا فوق كدا واصحى
واعمل لنفسك شخصيه
واكتب بعاميه وفصحى
واترك وجبات التقليه
البحر مليان بالخيرات
وسفينة الحب تنادى
يا ولادنا فوقوا ويا شابات
ومصر بتنادى يا ولادى
ياللا اهجموا وخدوا حقوقكم
من نن عنين الحوت الجربان
وقوموا شاركوا مع وطنكم
وما تسمعوش لعيال - سوزان --
دى كلمة تتقال للريس
لجل ما يخلص ع الحافيين
وياخد بإيدكوا ويكيس
وبكره هاتبقوا المسئولين
يا بحرنا ضم عيالك
وابعدهم عن البر الجاهل
يا شبارنا ربنا يعلى شانك
دكتور -- مدرس - فلاح - عامل
البحر ليه بطل يضحك
ومننا قلقان غضبان
============================================
تحياتى -- مصطفى الشرقاوى
تعليقات
إرسال تعليق