بقلم الشاعر💎 ميروك البنا
*** بحـاول أعـيش
ـــــــــــــــــــــــــــ
لأول مـره تغيـب عـني ولا تعـديــش
لأول مــره تكـون جنبي ومتسـألنيـش
اداري ازاي وعيـــوني مـبـتـخبـيــش
وبالذكـري وكـام فكـره بحاول أعيـش
غصـب عني بحـاول انسـي اللي راح
يـا حتـه مني ولا مـره تقــولي سمـاح
نفسـي اعيـش ولــو مـره مع الأفـراح
وبالذكـري وكـام فكـره بحاول أعيـش
بقلبي بطيـر وجناحي من غيـر ريـش
و طبطبـلك علي قلبك كمـان بشـويش
و لا تـجينـي ولا تعــدي متسـألـنيــش
وبالذكري وكام فكـره هحاول أعيـش
سـألت قلبي جـاوبني السـؤال بســؤال
بـنـظـرة عيــن يدوبـني و قـلبي مــال
بهمـسه ولمسه سـجـدّني وحالي حـال
وبالذكري وكـام فكـره بحاول أعيـش
ميــن غـيــرك من حُـســادي يـرقيني
وميـن بالـورد وحنان القلب يهــاديني
و انــا بحضنه تقـول عينه وحـشتيـني
وبالذكـري وكـام فكـره بحاول أعيـش
حكايتـك أيه بتبـدأها و تنهيهـا بحكـايه
بتحكي والكـلام حلـو في الجمـال آيـه
حكـايتك ليـه ما ليها بدايـه ولا نهــايه
وبالذكـري وكـام فكـره بحاول أعيـش
كتيــر تيجي بأحــلامي ويوم متجيـش
أنام أدعي ومن خوفي عليك مدعيـش
آه من حُـب ما يفَـرَق موت من عيـش
وبالذكـري وكـام فكـره بحاول أعيـش
مين قـال لك تسرق من عيـوني النوم
مين قال لك تهجـر لا عتـاب ولا لـوم
مين قال لك انا عمري مانسيتـك يـوم
وبالذكـري وكـام فكـره بحاول أعيـش
ــــــــــــــــــ[مبروك البنا]ــــــــــــــــ
تعليقات
إرسال تعليق