بقلم الشاعر 👉👈ميلمي ادريس

 السلام عليكم

بقلم وصوت 

الكاتب الأديب 

الشاعر الزجال 

ميلمي إدريس

/المغرب/فاس/ 30/01/2021

قصيدة زجل . ردْ بالك

نهارنا نصوا راشي

ؤو نصوا ؤمبارك ؤو مسعود

لا تْجالسْ كَنارْ

ؤولالالا ؤتْسمَّعْ مَقنينْ

راه الهدرَة تقْبتْ لصوارْ

ؤو صمْكتْ معاها كاااااااع الودنينْ

نهارنا نصُّو راشي

ؤونصُّو ؤمباااااارك ؤو مسعود

بالحق ماااعرفناشي

أشكاين ؤفهاد المَوْعودْ 

واش لهْتوفْ والتواشي

ؤولا زردة من الزرودْ

واش الخُبز والحرَّاشي

ؤولا هرْدَة ؤد العْمودْ

هذا ؤيْعرَّسْ ؤبلالالا ما يعشِّي

ؤو الطَّاجينْ ضااااايرين بيهْ القْرودْ

هذا ينْفقْ ؤو يزييييدْ يرْشي

ؤو المسكين دخْلو مَحْدودْ

نهارنا نصُّو راشي

ؤو نصُّو ؤمباااارك ؤو مسعود

الدَّاسرْ ؤيغوَّتْ ماااايحْشمشي

ؤو المْربِّي فمُّو مسْدودْ

الجَّاهل يهْضرْ ؤو ما يعْزلْشي

ؤوالقاري كلامو مَنْبودْ

ؤرْجَل بخْصايلْها تمْشي

ؤو رْجَل خااااايفَة لا تْفوتْ الحْدودْ

ؤنهارنا نصُّو راشي

ؤو نصُّو ؤمبااارك ؤو مسعودْ

قصيدة زجل رد بالك

بقلم وصوت 

الكاتب الأديب 

الشاعر الزجال 

ميلمي ادريس

المغرب/فاس/30/01/2021