بقلم الشاعر👉👈منتصر عبد رب النبي
* * * الرجولة * * *
الرجوله مش باللبس
الرجوله بالناس تحس
الرجوله دي ليها أساس
إنك تكون إنسان حساس
أصل الرجوله شئ معروف
اللي يبص لعنيك يشوف
حنيه في أسوأ الظروف
لكل ست ودود عطوف
تنسى معاك معنى الخوف
أمك أختك زوجتك بنتك
بنت خالك بنت عمك
حتى لو بنت الجيران
بنت البلد وأي مكان
تحس فى وجودك بأمان
* * *
الرجوله شئ كبير
تحب الصغير وتراعيه
تعلمه معنى الرجوله إيه
بلاش تستهزأ فيه
وتمد إيدك عليه
طب يحترمك ليه
* * *
الرجوله إنك تساعد الفقير
تمد إيديك تعطف عليه
يتخلص مالفقر اللي فيه
مش تذله بفضلك عليه
نظرة حنان منك ترضيه
جزائك عند الله تلاقيه
* * *
الرجوله إنك تحترم الكبير
يشوف منك نظرة تقدير
مش مهم عنده إيه
سنين كتير عدت عليه
لما كان زيك شباب
ضربه واحده من كتفه
تهد حيط وتخلع باب
يجيلك يوم تبقى زيه
تعرف إيه يعني شباب
تندم إنك إسيت عليه
* * *
بقلمي
منتصر عبد رب النبي
تعليقات
إرسال تعليق