بقلم الشاعر🌹أبو رامي الاسواني
( هقول ايه )
قالولى اوصف لنا حبك
قلتلهم حبيبتى
مالها وصف
هتكلم ف ايه عنها
عيونها لما بلمحهم
يتوه منى الكلام وانساه
ولا الورد فخدودها
ولا ياناس كمان عودها
واااه م الرمش والحاجب
وشفايفها لما تضحكلى
بدون حتى ما بتحكى
بسمع همس حكاويها
بحس بيها فى الغياب
وبسهر كمان لياليها
وخطوتها لما بتعدى
تغنى الأرض تحتيها
هقول ايه ياناس عنها
بدوب فى كل ملامحها
دايما هى غنوايه بغنيها
جوه سطورى مكتوبه
وبين الجفن والننى
والله ياناس مخبيها
ابو رامى الاسواني
23/3/2021
تعليقات
إرسال تعليق