بقلم الشاعر👈 جمال رمضان
( أنا بغشك )
ياما كنت بضحك أنا في وشك
كنت بتألم وأكدب عليك وأغشك
كنت بخبي عنك واداري
إنت اللي رحت وهجرت عشك
ولما اشوفك وأسمع ظروفك
أتمني خدودي تلمس كفوفك
وإنسى إنك إنت كنت هاجرني
وعيني تقولي المهم أشوفك
وبعد يومين تهجرني تاني
وبرضه أرجع استنى تاني
أنا اللي حبيتك وهويتك
ومعاك يا قلبي بلاقي مكاني
وتيجي تسالني ليه الدموع
اقولك إيه قلبي أنا الموجوع
اخر كلامي وسلامي
لو رحت تاني مافيش رجوع
الشاعر
( جمال رمضان )
تعليقات
إرسال تعليق