بقلم الشاعر 💤💤عبد الله السايح
......(على صدرك)........
صغير كنت في اللفه
في ثانية كنت أتكفى
تضميني يانور عيني
في حضن تملي وبيصفى
على صدرك تراضيني
وغيري تملي كان يخفي
ألاقي الشفه في جبيني
بترسم لينا في الأولفه
تكوني كل محبيني
حبيبة وتزرع العفة
تبان الدمعه في عيوني
تقومي تغيري اللفه
غرثتي الحب في كوني
سهرتي الليل عشان اشفى
تشيلي تلاعبي في جنوني
لو ابكي سريعة وبخفة
وبإيديكي تهزيني
في حضنك نمت أتدفى
ببسمة وفيها تلاغيني
كأن بسمتك طرفه
بفرحة يا أمي تعطيني
بسرعة تغيري الوقفه
سعيدة لو تلاعبيني
عشان ترسمي البسمه
تبصي بشوق في عيوني
وتحمدي ربي ع القسمة
على صدرك تعشيني
هتشرب والا متخصمة
حنان يجري في شراييني
يوماتي يبان وله رسمه
دموعك تجري بأنيني
أمومة وتملكي العصمة
بتعطي ماقلت إعطيني
في عز الحر أشوف نسمة
بحب تملي ترويني
بحب لو في يوم حاسمه
بحضنك ربي هاديني
يا أمي وشاكر القسمة
........ (شعر)........
عبد الله السايح
تعليقات
إرسال تعليق