بقلم الشاعر 🏆الحمراوي احمد

 كترو العݣارب

غير الله  يصاوب

ردو بالكم من المسارب

السم واعر ياالشاب والشايب

الله يحفظنا ويحفضكم من المصايب 

يسلمو بالاداب

حيت قرب الانتخاب

ما شافونا سنين في العداب

عاد بغاو يحييو صلة الرحم مع لحباب

لكن عرفنا المناضل من اهل الاكل والشراب

بنادم عيى يجرب

غير  يبدا مزيان ويتقلب

خلعنا الحنش و ولات تخلعنا القنب

الفلوس تتغير والطمع يبين فيهم العجب

معامن غادي تهضر وشكون يسمعكم ياولاد الدرب

يبان درويش وهو ثعلب

تسوليه عن الحصيلة مايجاوب

و ب إسم مستعار يولي يشتم و يسب

اما التنمية غير السمية كي الرئيس كي النايب

تهضر وتقول كلام المعقول ما يحملوك وتولي خايب

الله يهديهم في هاد العواشر وتحياتي للجميع 

الحمراوي احمد