بقلم الشاعر 🌛مصطفى فريد
المسحراتى
الحلقة ( السادسة عشر )
للشاعر/مصطفى فريد
مسحراتى داير انادى
فى كل وادى أقول ياهادى
أحرس ولادى وانصر بلادى
على الاعادى والطماعين
نبضى فى قلبى
بيدق طبلى زى اللى قبلى
جادل فى حبلى بحرى وقبلى.
عناقيد بتضوى بهجة وحنين
آثارنا طالعة
أهرام وقلعة
فى كتاب مطالعة
بالحب جامعة
تلت الحضارة
للدنيا شمعة
نورها يقين
الألف مدنه
عنوان بلدنا
بإيدين ولادنا
عليت رايتنا
وتاريخ شايلنا
فوق العلالي
من جيل لجيل
الشمس طالعة
والخضرة مرعى
والدنيا سامعه
صوت الفراعنه
بين المعابد
إلاهنا واحد
يا موحدين
با نادى دايما الله ربى وهادى قلبى
فى كل وقت وكل حين
إدعى لربك يغفر لذنبك ويخف جرحك
ويعم فرحك وتروق ملامحك ويمد لينا
شهره الكريم
تعليقات
إرسال تعليق