بقلم الشاعر♦️جمال رمضان♦️مصر
( وعد مني )
ياريتني ماكنت بهواه بهواه
ولا كانش ضاع عمري وياه
ما كنتش أسهر ولا كنت أفكر
لا انا قادر ابعد عنه ولا أنساه
خلاني أقول ده أهلي وناسي
معرفش إنه إنه خاين وآسي
مشيت وراه وعشقت الآه
وبقيت غريق وماليش مراسي
كل الرسايل في الهواء طارت
شجرة وما طرحت يمكن بارت
بكرة تجيني وتلف بيك الدنيا
زي ما لفت الدنيا وعليا دارت
احلف بألف يمين ويمين ويمين
هنساك إنت وحبك إنت والسنين
ووعد مني لو مرة شفتك
أخبي عيني بإيدي وأغمي العنين
الشاعر
( جمال رمضان )
تعليقات
إرسال تعليق