بقلم الشاعرة💕ايمان عبد الله والي💕
.... بتسأل....
بتسألني أنتِ مين
أنا صورة حلوة
رسمها خيالك
من سنين
أنا لحن غني ليه
كل العاشقين
أنا ضحكه بين
شفايفك تاهت
من الأنين
لسه بتسأل
أنا مين؟
أنا قلبك اللي
يخاف عليك
ويواسيك
أنا اللي عمري
أبيعه واشتريك
متسألنيش ازاى
وليه ؟
الحب قدر
ومنقدرش عليه
انكتب علينا
نحب ونتجرح
ولا يأثر فينا
من تاني بنعشق
وندور عليه
بإيدينا
مهو فوق
الجبين انكتب
عليه أسامينا
شاعرة الزجل
إيمان عبدالله والى
تعليقات
إرسال تعليق