بقلم الشاعر 🌍 ناصر ابو النضر🌏مصر🌎
صدقيني...
مهما أحاول أو إنت تحاولي
مش ممكن أقدر أبعد
عنك أو تبعدي عني
دانا في نهاري بأقنع نفسي
إني أصمت وأقول
خلاص حابطل ومفيش أنين ولاشوق وحنين
وأول مايجي الليل أفكر
إزاي أقابلك وإيه أقولك
وكل يوم أصبح عليك
أول لما باصحى من النوم
وبرضه أمسي قبل ما أنام
بين وبين نفسي
رغم إنك بعيدة عني
لكن روحك معك
باتونس بيها وتونسني
عندي كلام كتير
بس قولي أي كلام
يشعل نار الغرام
صرحي .إنتفضي
عبري عن مشاعرك
مستني تقولي بحبك
بأكرهك.. خدي نفس
عميق وسمعيني
إيه دلوقتي حالتك
برضاكي ولاغصب عنك
إوعي تحاولي بس ترضيني ..صدقيني
لما تقولي باشعر بيكي
بتصارحيني ولا بتكذبي
لكن بفوت عشان بحبك
لكن المرة دي مش حاسيبك
قلبي بيقولي إنك بتحبيني
لكن أسمعها من بين
شفايفك تشجيني
وتحييني.
ناصر أبوالنضر المحامي
تعليقات
إرسال تعليق