بقلم الشاعر 💢🅰️ عبد الله رجب

 يا طير.. بقلمي عبدالله رجب ابوعدنان

يا طير يا موجوع

تفيد بأية الدموع

وعلى اية الرجوع

كمل مشوارك

ليلك زي نهارك

الهم واحد والألم هوا الألم

والحمل تقيل

خليك بعيد أحسن

يمكن تعدي المحن

الظلم بنولو تمثال

والعدل يا ميت خسارة

بقى صنم ووثن

طير لبلد ما فيهوش ظلم

طير عساك تبلغ الحلم

وتوصل لبرهان و دليل

كل شيء محبوس

حتى الضحكة و الاهة و النفس

حتى الصوت مخروس

وكل ما تيجي تلمس شيء

تلاقي الشيء مش ملموس

وما فيش عن الغربه بديل

ف قاموس الفقرا

العيش حاف

يغمز بالدقة و ما يخاف

ينام ف عز الطل

من غير لحاف

لما يقول الحق

أو يقول لأ

يقولو درويش طيب م المهابيل

طير يا طير وابعت خدني

لناس غير الناس

وأرض جديدة تحضني

يمكن نلاقي الحب الضايع

والعدل الغايب

وترجع الغنوة الحلوة

وترجع المواويل

يا طير... بقلمي عبدالله رجب ابوعدنان