بقلم الشاعر ✍️جمال رمضان
( يا قلبي)
هو إنت يا قلبي إيه حكايتك
بتلف على إيه على نهايتك
ما انا قلت لك تبعد عنه
رفضت وسلمت كمان رايتك
مش كل مرة تجيني ندمان
وتحسرني عليك كمان وكمان
ما انا قلت لك تبعد عنه
صممت وفاكر إنه بحر حنان
ياقلبي ليه تتعذب وتعذبني
ليه بتختاره وليه بتسيبني
ولما أقولك تبعد عنه
تخاصمني وتهجرتي وتتعبني
يا قلبي إختار ما بيني وبينه
ولا توصفلي غي جماله وعينه
انا والا هو بسرعة إختار
شوف انا وانت فين وهو فينه
الشاعر
( جمال رمضان )
تعليقات
إرسال تعليق