بقلم الشاعر ✍️👈🏿اشرف الدغيدي
( فين الود والوصال)
تلوعني وتسهرني وتخليني اغير واعاني
واشوف في عنيك فرحتها ياقاسي بعذابي
الله يسامحك لو قصدك تحيرني وتشغل بالي
معقوله اللي قلبه يعرف طريق الحب يكون اناني
حرام عليك توحشني واشتاق اليك
واشوفك اجيلك والاقي القسوه في عنيك
في البعد اناني وابعتلك مراسيل تنساني
وفي القرب مش انت بشوفك حد تاني
وما بين غرورك وإعتذارك
وما بين كلام مش هو كلامك
حاجات كتيره مخبيها بشوفها في افعالك
اكلمك عن الشوق تتجاهل ياجاحد كلامي
واصبر واتحمل غصب عني واعيش انا وألآمي
وبيني وبين نفسي اشكي وابكي علي حظي
واعيش ايامي واعاني من وجدي وهمي
صعبان عليا حالي وقلبي اللي حب وهوي
ومن حبيبه عاش في حرمان. وانكوي
فين الود والوصال والحب اللي سمعنا عنه وكان
وفين الحنيه اللي كانت في قلوب أهل زمان
ليه القلوب قاسيه في دنيا خاليه من الحب والأحباب
وليه نعيش تحت سقف واحد كإننا ناس اغراب
طبعك ياحب غريب تبقي جوانا كبير
وحظنا يودينا لقلوب ناس قاسيين كتير
ياريت الحب يجمع كل الحبايب سوآ
ويعيشوا تايهين في الغرام والهوآ
ومهما مرت السنين لهيب الحب ما ينطفآ
خواطر (أشرف الدغيدي )
حقوق الملكيه محفوظه
تعليقات
إرسال تعليق