بقلم الشاعر 🌹🧚♂️🌹 خميس نصر
وحشتيني
شعر خميس نصر
واحشني اللمة والزعاريط
واحشني الجري والتنطيط
وضحكة تترسم في الوش
دون تخطيط
وفلاحة واكلها الجوع
وماسكة البطة للتزغيط
وسوق فاكهة ومليان خير
صباح الخير
على التشقيط
وعم هريدي في إشارة
واقف بيبيع في بيض وسميط
واحشني الزردة والركية
في راس الغيط
واحشني الألفة جوا البيت
وشعب يعلم الاتيكيت
واحشني القطر والأوتوبيس
إشي واقف اشي قاعد
إشي تشعبيط
واحشني اللمة في رمضان
فانوس وموائد الرحمن
وجوا الجامع التراويح
مع التسبيح
ونتسحر ولو فرافيت
واحشني الفلاحين
والترعة والنبابيت
واحشني الحلم في التحرير
شباب بيعلم المشاهير
وبهتافه يشق الحيط
باقولها يا مصر
من تاني
ورب الكعبة
واحشاني
ورغم هموم محاوطاني
ونار الغربة
شاوياني
تناديني
هاقول انا جيت
تعليقات
إرسال تعليق