❤️❤️❤️ بقلم الشاعرة 🌸🌺حنان سليمان

 غريبه بس مبسوطه 

عايشه حياتى و مش فارقه

يقولو للفرحه دى سارقه

يقولو على راسى مخبوطه

عايشه حياتى كدا و راضيه

دماغى مليانه مش فاضيه

صحيح بضحك فى زعلى

و ابكى لما اكون مبسوطه

بس دى حياتى و عجبانى

اعيشها بعقلى و الا بجنانى

سيبونى يا ناس كده فى حالى

بعيد عن حالكم و انا مالى

شغله نفسى بأحوالى

عايشه دنيا كدا بتاعتى

عملتها انا بإرادتى

لا عايزه فيها جاه و لا مال

عايزه اعيش فى راحه بال

اضحك و ازعل زى العيال

ووقت الجد جمل زى الجمال

فى الصعب اعيش و اتحمل

و مهما كان راح أكمل

و هفضل راضيه أنا بحالى

و عيشتى وحدى تحلالى

   بقلمى حنان سليمان