🌷🌹 بقلم الشاعر 🧚♀️Ⓜ️🧚♀️ محمد ال غبن
(عود الخضار)
بقلمي الشاعر/ محمد غبن
شاعر عاميه بطريقه محكيه
وسفيرا للسلام الدولي
ويفضل عود الخضار
هزيل ماقمتش ليه قومه
نشف وحاله اتبهدل
وكإنه غرقان في نومه
وتفضل الدنيا تميل فيه
اكتر وهو عايش جوا همومه
ماحد كان مراعيه ولا
قال اشوف بنفسي شئونه
عايش بس مجرد شبه
عود تايه حزين وهزيل
صبر ع الدنيا كتير
واشتكي ليا لجل أكتبها قصص ومواويل
وانا بجد صعبان عليا
بس هعمل ايه اذا كنت فاقد للسبيل
يبقي كيف اداوي
جراحك شوفلنا حد يداوينا
يخرج مننا جراحنا
وينشف البكا اللي جوا عينينا
بس تعرف مش هتلاقي
حد فاضي يسال علينا
الكل جوا ساقيه وداير
في حجر صوان
زي المركب من شراع
ولا مينا
تعليقات
إرسال تعليق