💕 بقلم الشاعرة 🎅🎅 اسماء عبد الله
ماتيلا نبدأها بنسماية
شايلة التفاؤل جواها
وبروح مسامحة وضحكاية
ننشر أفراحنا في هواها
تعلا ونعلا معاها لفوق
قادر إلآله يجعلها تروق
تكون في وسط ألمها شموع
ونجوم بتلمع في سماها
وكمان يا ريت ننسى امبارح
بهمومه وبجرحه ولياليه
ولو افتكرنا شئ منه
نقول دا شئ حلو وكان فيه
نبدأها بدعائنا وصلوات
فيعُمنا الفضل وبركات
ورضا الحبيب رب السموات
دا الكون دا كله أمره إليه
ماتيلا نعمل هليلة
ونهني بعض ونتمنى
أغاني محلاها جميلة
حواليها نور وشجر حنة
وكلكم هنا طيبين
وفي أحلى دنيا وفرحانين
في سعادة دايمة و راحة بال
لكل الناس والمسلمين
اللهم امين يارب
كل سنة وانتم طيبين جميعا يارب
أسماء عبد الله
تعليقات
إرسال تعليق