🧚♀️🌹🧚♀️بقلم الشاعر 👈🏿🌸👉 مصطفي فريد
قصيدة/ عيدى النظر
من ديوان/ ضى نهار
للشاعر /مصطفى فريد
فى قسوتك ٠٠٠
عيدى النظر
جوايا شئ غالى انكسر
من بعد عشرة كام سنه
قلبى إللى عاش لك سوسنه
من قسوتك ضل الطريق
كأنه مات من ميت سنه
وبرغم عشقه للحياة
بيدارى جواه ألف آآآه
طرحت سنابل قهر
والحزن إبتلاه
الفكر تاه
عجز وشاب القلب
بعد ماكان صباه
له ضحكة صافيه
وكلمة دافية ع الشفاه
قلبى الجنين تعبت خطاه
كان كل يوم يدفع تمن
صدق المشاعر والحنين
لحظات قلق
فى كاسات أنين
من قسوتك
باع الزمن
وبيكره اللحظة اللى فيها
عاش لحبك مؤتمن
وانتى بتضخى العذاب
جوه شرايين الألم
لجل مايوصل للوتين
يغرس سنابك غدره
ويسم البدن
النبض رافض يتحقن
من سموم الكدب تانى
حصنه مصل المحن
حالف ليرجع من جديد
يدوس على جبل الجليد
ويعلم القلب البليد
من بعد جرحه إمتلك
حق التصدى لقسوتك
مش ناوى تانى ينكسر
إستسلمى لحكم القدر
وفى قسوتك عيدى النظر
تعليقات
إرسال تعليق