( حيرانه) بقلم الشاعر ✍️ اشرف الدغيدي
( حيرانه )
حيرانه ياليل ومشغولة البال
ومن دون العشاق سهرانه انا والخيال
واللي مسهرني الليالي وشاغل بالي
تقلان عليا ياليل ومش راحم حالي
معذبني طول الليل وياه
وملوعني علي طول في هواه
ياليل انا عاشقه حبيبي
وهو لا حاسس بأشواقي
ولا داري بلهيبي
وأبات الليالي وأشواقي مبكياني
ودموعي في عيوني ولهفتي معذباني
صعبان عليا حالي خايفه أحبه وهو ينساني
والاقي طيفه جاني وبيعاهدني
ومعاه اشواق مصبرآني
ومراسيل من حبيبي
مطمناني
وع الحب والهوي بيوعدني
قلب حبيبي بيا فرحان
وكله شوق وحنين
ولقيته عوضني سهر ليالي السنين
قولت كفايه إنه حاسس بيا
ولو صبرت العمر كله عليه
كفايه نعيم قربه عليا
ونظره حب وحنيه من عنيه
حبيبي وشاغلني وأملي لُقاه يفرحني ويهنيني معاه
ومهما البُعد عنه عذبني
ماقدرش ياليل أنساه
ولو طيفه غاب عني
الاقي حبه وهواه دوبني
وكل املي أعيش وأرضيه
وأقيد له شموع الحب واهنيه
واعيش اليوم عُمر في قربه
وانسي عذاب وضنا بُعده
حبيبي بعده معذبني صحيح
ومخلي قلبي في بعده جريح
لكن أستغني عنه ماأقدرشي
وأنام الليل مستحيل وما أسهرشي
اسهر الليل وأستناه
يزورني يخفف عني
عذاب حبه ونجواه
وطيفه يواسيني
ويحلفلي حبيبي
فاكرني ومش ناسيني
ومهما عانيت وآسيت منه
ماقدرش أحب تاني وابعد عنه
من يوم ماحبيته غصب عني
بقيت أنا وقلبي أسير حبه
وحكاية حبي حكايه غريبه وشغلاني
حكايه ماخطرتش يوم علي بالي
ماعرفش ازاي عيونه سحرتني
وازاي نظرة منهم دوبتني
مشتاقه ليلاتي ياليل إليه
مش هاين عليا أنام
وانا مشغوله بيه
ومهما بعدت الأيام بيني وبينه
هستناه ييجيني وينسيني
ومهما طال انتظاري
كفايه من حنانه يسقيني ويرويني
خواطر(اشرف الدغيدي)
حقوق النشر محفوظه
تعليقات
إرسال تعليق