الشاعر المبدع 🧚♂️✍️🧚♂️ شاذلي محمد عبد الرحمن🌐مصر 🇪🇬
📖📖📖📖📖 علم محتاج للعلام 📖📖📖📖📖
علم مش قد المقام
علم محتاج للعلام
علمونا في المدارس
إن لازم تبقى دارس
للقيم قبل الكلام
وان قلبك يبقى حاسس
كل خطوة للأمام
وإحترامك يبقى حارس
والأدب هو النظام
عدى عمر معاه كوارث
والشباب تاه بإنسجام
يعني لما تشوف مُدرس
والشباب ولا فيه إهتمام
اللي لابس شورت ولّا . سلسلة زي اللجام
واللي عامل شعره كيرلي . يعني قال واد ف التمام
والبنات زي الولاد . نسيوا معنى الإحترام
والدروس إدفع يابابا . كل درس شوف بكام
والمهم في البيوت . إبني ينجح والسلام
هو دا أصل الحكاية . لما ننسى الإلتزام
يبقى فيه كلمة تحرش . والقاموس مليان كلام
إنتحار والقتل عادي . كل يوم . والجهل قام
ماحنا طبعا جوه علم . بس محتاج للعلام
📓📓📓📓📓📓📓📓📓📓📓📓
التعليم والتربية
هم أساس نهوض الأمم وبناء جيل يبني البلدان
شادوليات
شاذلي محمد عبدالرحمن حسين
تعليقات
إرسال تعليق