الشاعرة المبدعة 🌐🌷🌐 فدا الشاعر 🌷✍️🌷 مصر 🇪🇬

 و أتوه انا فى وسط الزحمه

و الناس زايفه مهش رحمه

و كله مدارى ورا ١٠٠ وش

و كل حياته غش فى غش

و عامل فيها سيدنا و مولانا

و هو خاربها و جيوبه بالحرام عمرانه

ناس كدابه و الكدب لهم اساس

لا زمه و لا دين و لا حتى احساس

تعبت من الناس و من التمثيل

و ناس ماشيه ما ليها دليل

و كل واحد عامل فيها عليل

و هو للكبير موطى و ذليل

و فاكر الدنيا خلاص دايماله

و نسى ان لحظه تتبدل أحواله

اللى فرحان بفلوسه بكرا يروح ماله

و فى داهيه كل واحد بيعمل ما بداله

دنيا زايفه و ناس هايفه عامله خايفه

و هى نسيه ربها و لنهايتها مش شايفه

✍️ سلطانة الحرف الماسى

فدا الشاعر