الشاعر المتالق 🌐✍️🌐 احمد اسماعيل 🌷✍️🌷مصر 🇪🇬
ابتسامة القدر
لما القدر يضحك لنا
علشان رجعنا لبعضنا
والموج بيرقص ع الوتر
لقلوب تسافر للقمر
والشمس باركت حبنا
والطير يغنى للمطر
روح ياقدر هات لى الحبيب
خلى جروح قلبى تطيب
ده انا من زماااااان مشتاق اليه
مشتاق لنظره من عينيه
شوف الطبيعه والجمال
لوحه جميله من الخيال
ودلال حبيبى الله عليه
لما بيمشى كالغزال
وكأنه ايه من الكمال
والورد لما يحن ليه
هو الحبيب هو المنال
هو الامل والحلم كُله
هو عبير قلبى وفُله
وشمس عمرى كمان وضلُه
هو النصيب هو البصر
اجمل هديه من القدر
شعر أحمد اسماعيل / شاعر العرب
تعليقات
إرسال تعليق