الأديب المبدع ✍️🌷✍️ مصطفي فريد🌷🧚♂️🌷 مصر 🇪🇬
القدوة
من ديوان / قلم مجنون
للشاعر / مصطفى فريد
القدوة مالت
والحلق جف من الكلام
الإيدين بقى فيها دم
وصوتي أبكم من سنين
صابه التهاب الهم
فى الحلق ميكروب الأنا
زاد الألم والغم
مخنوق ياحرف العنا
فوق السطور محتار
ساعات يصيبك عما
وساعات جرس إنذار
بيهز فيك الوجع
فوق سن سيخ محمي
والملح باستمرار
فى الفرشه نص الليل
ياكل صدى لحمي
وأنين حروف الألم
موجه ورى موجه
كتبت يا صاحب القلم
سن السنين عوجه
يا مضفرين الكلام
على السطور حواديت
الحرف جوه الكتاب
فوق الخطوط محني
بيئن وسط الضباب
ألمه بيدبحني
واللوحة مقلوبه
على نوته بهتانه
معزوفه من لحني
بربابه من غير وتر
نغماتها من صمتي
بتقول لرب الكون
برئت بيك ساحتي
قلت اللي عندي بصدق
يشهد لي يوم لحدي
تعليقات
إرسال تعليق