بقلم الشاعرة المتالقة 💕💕 اسماء عبد الله 🌷🧡🌷 مصر
نفسي
نفسي اكون..
شبه حاجات ف الكون
بعشق حالاتها بحبها بجنون
لو ألقي نفسي فجأة متحول
واكون مثيلها
أصلي بيها مفتون
نفسي اكون هدوء ف نسمة صيف
مش برد قارص ولا زوبعة ف خريف
ولا شمس حامية منها نتخبى
الضل ف حضورها عزيز أو ضيف
أو اكون سحاب ف قلبه شايل خير
مية نقاءه حياه لزرع ضرير
مش سيل مطر يهلك وما يرحم
يفزِع هطوله من كبير لصغير
أو اكون بطعم وصفاء عذوبة نهر
في مسيرته جنة من زروع ونخيل
مش بحر مالح فوق ضفاف الصخر
يشكي المرار الملح فاض وكتير
تروي مياهه مش يادوبك لون
وياريت أكون طائر فرد جناحين
وفوق جناين الورد والياسمين
حلق وساب هٓمُه ف كوكب أرض
وسط النسايم بين أيادي حنين
وسبح في ملكوت الإله فرحان
يتفقد البشرية والأفنان
بأمر ربي وسر كن فيكون
ياريتني أبقى منهم أو.اقدر....
أكون
أسماء عبد الله
تعليقات
إرسال تعليق