بقلم الشاعر المبدع 🌏✍️🌏 مبروك البنا 🌏✍️🌏مصر

*** عسـوله

ـــــــــــــــــــــــــ

قمــر وفي الحُـسـن الأولــه

أمـوره بـشفــايف عـســوله

آه بـس لـو أقـــدر اطــولــه

أحـبُـــه حُـب علي أصــولُــه

بكلمـه مِنُه و برمش عـيـن

فـتـح عـلــيَّــه بـاب الحـنـيـن

و عـرفـت لـيـل السهـرانـين

وشُفت من السُهد أصولُه

بشتـاقـلُـه ومقدرش اتكلم

لومَـر في خـاطـري اتبسـم

ولوشُفـتُه مِيت مرَّه بسلم

وفي أي مُنـاسبـه أحكـيـلُـه

حـبـيـتُـه و كـدِّبـت ظنــوني

وعيـونه هُـمَّ اللي خانوني

انا فاكـرُه وعيـونه نَسـوني

و بحبُـه واعشـق مواويــلُه

أحـب غـيــره لا مـستــحـيـل

بحب حُسـنه ولا لٌــه بـديـل

و لأنـي في حُـبـــه قـتـيــــل

نِـفـسي أطـمـن علي حـالُـه

قـالـوا عليكي و يـاما قـلوا

قـمـر اربعتـاشـر يا جمـالوا

قلبي وروحي ليكي مـالوا

قمـر وفي الحُـسـن الأولـه

------[مبروك البنا]------