بقلم الشاعر 🪶Ⓜ️🪶 شاذلي محمد عبد الرحمن Ⓜ️🪶Ⓜ️ ومصر 🌹
●●●●●●● 🌹 الزمن 🌹 ●●●●●●●
عدى علينا الزمن
رافع شعار الخوف
والصبر كان التمن
والحِمل مش معروف
معقول ياعم الزمن
بالذمة مش مكسوف
كل اللي شوفناه عَفن
حتى الفرح . مكتوف
أحلامنا عايشة الشجن
رَبطاه . في طير بيطوف
والسِرب حط ودَفن
احلام تِعد ألوف
والوقت عدى وعَجن
يزعق . يقول . دي ظروف
متربطين كالوثن
والحَبل . كان ملفوف
إمتى يفك الزمن
يقطع بإيده الخوف
ونعدي كل المحن
تبقى معانا دفوف
يرقص معانا الزمن
ونغني غنى معزوف
🌹🌹🌹🌹🌹🌹🌹
شادوليات
شاذلي محمد عبدالرحمن حسين.
تعليقات
إرسال تعليق