بقلم الأديب المتالق🌹Ⓜ️🌹 فوزي سليم 🌹Ⓜ️🌹 مصر 💕

#حبر_على_ورق:

لملم حروف الكلام

قول جملة تطمني.

ايه اللي شغل البال؟ 

ايه اللي ضاع مني؟ 

احكيلي عن الأمان

وابعد الهم عني.

كلمني كلام افهمه

قول يالله سمعني.

بلاش تكدب علينا.

بلاش كمان تخدعني.

بلدنا مليانة خيرات

وليه انت مجوعني؟ 

مش عارف تدير البلد

إخلع روح وودعني.

وكفايه علينا خطب.

كلامك مش بيقنعني.

ولا عمره يبني بلد

ولا من الجوع يشبعني

ولا من الهم يسعدني.

ولا من الغلاء يرحمني

وفساد بياكل في البلد

وكل مسؤل بيظلمني.

وكتابكم ماليان كلام

 خلا العقل راح مني.

متكلمنيش عن الرخاء.

وانا مش لآقي اكل مامي. 

تعبت من الكتابه ياقلم.

بتحكي لناس صم وعمي.

عايشين بياكلوا في جاتوه.

وانا الجوع بياكل مني.

كتابكم قاريتو كله.

مافيهوش كلمة تشبعني.

وقلمي جفت دموعه.

وأصرخ ما في حد يسمعني.

الأديب والشاعر

#فوزي_سليم. 

٢٠٢٢/٩/٢٩