بقلم الشاعر 👑Ⓜ️ صلاح سليمان Ⓜ️العواف 🌹🌹
العواف
بلاش انا
وجاي تقلبها محزنة
مبلاش انا
مليش في جو السهتنة
انا محدد موقفك
وانا اللي بقدر اوصفك
وانا اللي بحدفك لفوق
وبلقفك
وانا اللي
كنت في الغرام
بغششك
ومفيش جديد دايما
عنيد قلبك حديد
وفي الامتحان ساااقط
وبتعيد السنة
راجع وفاكر تنتصر
مين قال كده
حتي الغرام مش معركة
انت بسهولة حتتقهر
من كلمتين مش فبركة
مش بالدموع ولا صعلكه
وكلام تمام مش لكلكة
منتاش تمام ولا ليك
مكان
ولا اي حزن يهمنا
ويهزنا
وجاي تقلبها محزنة
مبلاش انا
مليش في جو السهتنة
وهاتها جمايل يارب
شاعر الحارة المصرية
صلاح سليمان
تعليقات
إرسال تعليق