بقلم الشاعرة Ⓜ️🦋Ⓜ️ كريمه السيدⓂ️🦋Ⓜ️ بذور عليكي بين كل الصوربدور 💕💕
بدور عليكي بين كل الصور بدور
وانا راضي بالنصيب والقدر
بدور وأملي أصادف خيالك هايم
بسمايا يناجي القمر فى ليلة سمر
بدور عليكي والبال حيران مشغول
هتعودي وبالود تجودي ولا الغياب
صار عذاب على الجبين مسطور
بدور وأركز فى كل الوجوه وقلبي
دليلي وعنك ابدا ياحببتي ما أتوه
ياحلم وحقيقة ياضحكة بريئة رقيقة
وخطوة جريئة ونظرة تنور دنيايا العنيدة
فى كل ثانية وكل دقيقة
ياعايشة معايا ياأملي ومُنايا ياأغلى
وأجمل من كل الصبايا
بدور ويقيني يانور عيني كل يوم
بيزيد إنك قريبة رغم الغيبة وسامع
صوتك رغم سكوتك ونبضك ساكن
شريان ووريد
يطمني ويحلف ألف يمين صدقني أنا
راجعة لقلبك والله أكيد يمكن بكره يمكن
بعده المهم وبالتأكيد يوم لقانا بين نجوم
سمانا هيكون أجمل وأروع عيد
ومهما أختلفت المواعيد الأمل فى قلوبنا
قابل دايما للتجديد
.............................
همسات بقلم كريمة السيد
تعليقات
إرسال تعليق