بقلم الشاعر. 🦋Ⓜ️🦋 وائل البطراوي Ⓜ️🦋Ⓜ️ يأم البنية 💕مصر 💕
يا أم البِنية
ما تبيعيش بنتك للى يدفع كام
ولا ترضيش ليها ببايع الأوهام
يا ما ناس فيها عِبر ...... ولئام
وناس القليل يكفيها وعيشتها سلام
يا إم البِنية
اختارى لبنتك إللى يخاف ربنا
ولا تقولى أهم حاجة المال
ولازم يكون من توبنا وقدنا
يكون غنى وميسور الحال
يا ام البِنية
احيانا كتر الفلوس مع ضِعاف النفوس
يطمع عينهم و يميّل بختهم
هيعرف واحدة والتانية وعلى بنتك يدوس
فشوفى فى الأول أصلهم
يا أم البِنية
اختارى لبنتك واحد له شخصية وكيان
مش طرى كده ودلوعة امه
ابن أصول عنده الكلام بميزان
وله كبير وقت الغلط يلمه
يا أم البِنية
قبل العزوة والجاه شوفى الأخلاق
هى تاج الراجل للى يعرف تمام الدين
وإن كان على الرزق ف مقسمه الخلاق
وربك قادر يغير الحال فى غمضة عين
يا ام البِنية
رسولنا الكريم قال
لو جالكم صاحب الخُلق والدين زوجوه
مش أهم حاجة المال
ولا بالشبكة والمهر والقايمة تدبحوه
يا ام البِنية
لسابع جد العرق دساس
فأختارى على مهلك قبل فوات الاوان
قبل وقوع الفاس فى الراس
و تقولى ساعتها ياريت إللى جرى ما كان
وائل البطراوي
@الجميع
تعليقات
إرسال تعليق