بقلم الشاعر Ⓜ️Ⓜ️وائل البطراوي Ⓜ️Ⓜ️ بياع -- السعادة💕مصر 💕
بياع_السعادة
سعادة سعادة سعادة
يلا ..مين محتاج شوية .سعادة
بنلم فى عزالنا .وماشين
بنوزع على الناس وفى العادة
قلبنا مكسور .وحزين
إلحق أنت وهى وهو .العرض
الضحكة عليها .أتنين
ونعلمك إزاى تكتم حزنك جوه القلب
وإزاى تدارى دمعك جوه العين
قربى يا ست. يلا تعالى
نفسك إيه أتمنى وقولى
قالت أدعى ربك يهدى عيالى
سايبينى وحيدة فى الدنيا بطولى
وأنتى يا قمر يللى قبالى
سرحانة فى إيه وملخومة
ضحكت وقالت قلبك يظهر خالى
إنما انا عاشقة لشوشتى ومغرومة
وأنت يا عم يلى هناك
عندك إيه بتفكر فيه
يظهر رجلك مش شيلاك
بَصلى وكلامى ما رد عليه
وأنت يا شاب مالك متحير
شايل الهم من وانت صُغير
قالى الدنيا جاية عليّا
بتعاند فيّا وحبل الصبر قُصير
وانت يا واد يا حليوة يا ابو قُصة
شكلك كده عندك. 100 قصة
بص لى بصة جابت غُصة قال مش ناقصة
ده زمانى هرانى مأسى وأتوصى
وإنت يا كتكوت حلو وقطقوط
مالك مشدود زعلان كده ليه
قال لى يا عمى سيبنى فى همى
ماتت أمى . معرفتش أرد عليه
بسرعة شيلت حاجتى ولميت
قولت لنفسى ياريتنى ما جيت
ده انت قطّعت قلبى وحسيت
بدموعى نازلة وغطيت
عيونى وبسرعة مشيت
وائل البطراوي-----------------------
@الجميع
تعليقات
إرسال تعليق