بقلم الاديب Ⓜ️Ⓜ️د. محمد الباشا Ⓜ️Ⓜ️ كفاية بداري 💕العراق 💕
كفاية بداري ( العامية المصرية )
***************************
كان لينا حكاية زي كل رواية فيها بداية وليها نهاية
لكن يا خوفي يا خوفي من قهري واسايا
يا ترى ايه اللي خلاها تنكر هوايا وبقت تحكي ورايا
ليه كده تعلمت ع البعاد مين اللي دلاها ع درب العناد
وسابت عينيا للدموع والسهاد وبقت معايا لكن مش معايا
يلي عايشه بروحي وجوايا
*******
احكيلكم عن حكايتي وازاي كانت معاها بدايتي
شوفتها وقلبي راح مني وعقلي مبقاش يعرفني
وقلت ساعتها ان هي دي منيتي
ايوا هيا دي كل دنيتي ومبقاش الكون بيوسع فرحتي
وبقى حبها اللي مجنني ومسهرني
وقلت ساعتها ايه اللي جرى ف دنيايا
*******
كان لينا حكاية زي كل رواية ليها بداية وليها نهاية
*******
بقينا زي كل اثنين عاشقين بياخذنا الحنين ويجيبنا الحنين
مشت فينا الايام والسنين واحنا مش عارفين
ولا عايزين نعرف احنا مين
كل يوم فرحه فيها حب وحنان
كل ساعة ضحكه وكل لحظة جنان
هو دا اللي تمنيتو هو دا اللي لقيتو
يا ريتو يدوم ويكبر يوم ورا يوم
يا ريتو يبقى حقيقة مش ف النوم
نسينا الدنيا واللي فيها نسينا الحياة وماسيها
نسينا همومنا والنور راح يملا سمايا
*******
كان لينا حكاية زي كل رواية ليها بداية وليها نهاية
*******
ايه اللي جرالي يلي انت كل آمالي كنت بستنا نجوم الليالي
ولقيت طيفك اللي جالي
من بعيد شاورلي وناداني
جيت جنبو وقال مش راح تبقى وحداني
حبقى نديم سهرتك وابقى رفيق وحدتك وخدني لعالم تاني
كده تغيرت احوالي وبالي م بقاش دا بالي
وبقيت انا وحزني وموالي بنبكي ع الغالي
يا قساوة قلبك ف بعدك وقربك
كده بيهون حبي عليك وحبك
ومش عاوز تجاوب سؤالي
ليه بتفرح بدموعي واسايا
*******
كان لينا حكاية زي كل رواية فيها بداية وليها نهاية
*******
ارجوك ابقى جنبي م ضيعش عليا دربي
عاوز ايه أكثر يلي ملكت روحي وقلبي
انا شايف ف عنيك الهوى وانت ساكت
وانا عارف قلبك انكوى واقول هانت
كفاية بداري وتخبي
الشوق باين ف عنيك وانا ف روحي شاريك
ليه متقولي ايه ذنبي وايه الجناية
*******
كان لينا حكاية زي كل رواية فيها بداية وليها نهاية
*******
بقلمي....محمدالباشا/العراق
تعليقات
إرسال تعليق