بقلم الشاعرة المتالقة Ⓜ️Ⓜ️ د. كريمه السيد Ⓜ️توته توته 💕💕
توتة توتة توتة تعالوا معايا راح
أحكيلكم حدوتة من حواديت
زمااااااااااااان المظبوطة
وكان ياما كان حارة وعطفة ودُكان
وسهراية على ضي القمراية تضم
الأهل والخلان
وست الحسن والجمال سايقة التقل
والدلال على الشاطر حسن فارس
زمانه وسيد مكانه البطل المغوار
وعم حسين الشهم الزين فاتح بابه
لكل أحبابه وأيده تملي ممدودة
بالود بالفرح بالخير
وخالتي بهانة الست الصابرة
الشقيانة شايلة شيلتها بكل تحدي
وإصرار ومؤمنة بأن الليل آخره
نهار والخير مسيره هيملى الدار
وإيهاب خيرة الشباب لا اتحرش
يوم بعتاب ولا منى ولاهدى ولا
حتى رحاب
عنوان الرجولة والأخلاق فى الصح
دايما سباق الدم فى عروقة يفور
لو غريب مس شعرة من بنات
الدور أصله أصيل وابن أصول
والجامع الكبير شبابيكه بتطل على
الدير والأيد واحدة بيربط بينا
نسب وعراقة وحضارة ووحدة
.............................................
إيه رأيكم عجبتكم حدوتي ولا
أحكيلكم حدوتة من حواديت
دلوقتي
ردوا بسرعة أصل حقيقي الوقت
بيجري
.................
همسات بقلم كريمة السيد
تعليقات
إرسال تعليق