بقلم الشاعر Ⓜ️Ⓜ️ شاذلي محمد عبد الرحمن Ⓜ️عم صابر 💕مصر💕
●●●●● عم صابر ●●●●●
وه وه ياعم صابر
لساك ع الهم . قادر
مجروح دايما تعافر
بتشيل ختى الايام
لسة الامل . بكلام
دا الجوع في عصرك . فاجر
صايم من الاكل . فاطر
ماهو مش ممكن نكابر
صدقني يبقى حرام
دا عشانا كله ٱلام
معذور في كدبك . ماكر
والدمع منك نادر
والله قدرة قادر
مربوط بالف لجام
غرقان وفقرك . عام
تحزن والوش . ناكر
تضحك . والقلب . فاتر
استاذ في الكدب . شاطر
عايش مع الاوهام
شوف عدى منهم كام
دي الشكوى عندك . عار
واقف عمود . صبار
والحلق كله . مرار
بتقول دا حسن ختام
مستني ترمي سلام
وتفوتني . جوه النار
ولا حتى ليك . اعذار
عمرك في لحظة . وغار
معقول دا برده . كلام
شكرا ياعم . تمام
●●●●●●●●●●
كلمة ( خٓتى )
تعني ( المخلفات أو القاذورات ) باللهجة الصعيدية
خارج عن المألوف
نحلق دائما خارج السرب
شادوليات
شاذلي محمد عبدالرحمن حسين .
تعليقات
إرسال تعليق