بقلم الشاعر Ⓜ️Ⓜ️ د. احمد عبد الحق Ⓜ️Ⓜ️ انزلي يل💕 مصر Ⓜ️ا
انزلي يلا
يمكن اداوي بيك الجرح
هو احنا مالناش نايب
نعيش مرة لحظه فرح
اكتب يلا ياقلبي وهات
اكتب واحكي حكايه صبر
ضاع العمر
احكي حكايه شاعر مات
انزلي يلا وخفي عنادك
اطلعي يلا بر سكاتك
خلي المك سكات في سكات
هاتي كل حروفك عندي
اعاندك حبة
وانت تعندي
هو مرارك طافح ليه
انا مش قدك
هدي شويه
انزلي يلا
بس امانه تنزلي برة
اوعاك تجرحي شيء جوايا
اوعاك تكسري حلم صغير
خليك مرة حلوة معايا
اكتب يلا ياقلمي وقول
حرفك يوجع
زي زمان لسه مستني
حسك يرجع
جرب يلا تندم حبة
يمكن ينفع
اقسي شويه واكوي الجرح
اصبر حبة
حتي لو وجعك يلسع
يلا ياعيني اعصري نفسك
نزلي دمعك
والله مبقاش فيا اني اشوفك
يمكن أحسك
يمكن تنزلي غصب عني
هستحمل جرحك
ديما نلف حوالين نفسينا
ونرجع تاني
اصعب جرح تحسه الاول
وترجع تحسه
تاني وتاني
اصعب جرح في عمرك كله
جرح معشش جواني
احمدعبدالحق
تعليقات
إرسال تعليق